Saturday 30th August 2025

आज विश्व रक्तदाता दिवस, सचेतनामूलक कार्यक्रम गरी मनाइँदै


आज जुन १४ अर्थात विश्व रक्तदाता दिवस। नेपालमा पनि विभिन्न सचेतनामूलक कार्यक्रम गरी मनाइने गरिन्छ।

मानव रगत समूह पत्ता लगाउने वैज्ञानिक कार्ल ल्याण्डस्टिनरको जन्मदिन १४ जुनको अवसर पारेर हरेक वर्ष १४ जुन मा रक्तदाता दिवस मनाइन्छ।

यस दिवसले सुरक्षित रगत र रगत उत्पादनको आवश्यकताबारेमा सचेतना जगाउन र रक्तदान गर्न प्रेरित गर्दै आइएको छ। आज रक्तदातालाई धन्यावाद दिने दिनका रुपमा पनि लिइन्छ।
यस वर्ष ‘नियमितरूपमा रगत तथा प्लाज्मा दान गरौं, जीवन बचाउने कार्यमा हातेमालो गरौँ ’भन्ने नाराका साथ विश्व रक्तदाता दिवस मनाइँदै छ।

सामान्यतया १८ वर्षदेखी ६० वर्ष उमेर समुहकाले रक्तदान गर्न सकिन्छ। तौल कम्तिमा ५० केजी हुनुपर्छ भने हरेक ३ महिनामा रक्तदान गर्न सकिन्छ। रगत हाम्रो शरीरको सबैभन्दा महत्त्वपूर्ण तत्वमध्ये एक हो। यो नशा–नशामा बहिरहेको हुन्छ, प्रत्येक तन्तुमा अति आवश्यक तत्वहरू पुर्‍याइरहेको हुन्छ, शरीरको तापक्रम सन्तुलनमा राखिरहेको हुन्छ र हाम्रो जीवनको रक्षा गरिरहेको हुन्छ।

दुर्घटना, शल्यक्रिया वा अन्य आकस्मिक अवस्थामा रगतको आवश्यकता पर्न सक्छ। त्यस्तो बेला रगतको विकल्प केही हुँदैन। त्यसैले, रक्तदान गर्नु केवल सामाजिक उत्तरदायित्व होइन, यो अरूको जीवन जोगाउने पुण्य कार्य पनि हो। समयमै रगत दिने हाम्रो सानो कदमले कसैको जीवन बच्न सक्छ।

रगतको आवश्यकतालाई परिपूर्ति गर्ने रक्तदाताहरुको कदर स्वरूप नेपालमा पनि वि.सं. २०७० जेठ ३० र ३१ गते प्रथम रक्तदाता सम्मेलन समेत आयोजना गरिएको थियो।


सम्बन्धित शीर्षकहरु

कुवेत – नेपाल कुवेत सांस्कृतिक मञ्चको आयोजनामा नेपाली महिलाहरूको महान पर्व हरितालिका तीज भव्य रूपमा सम्पन्न भएको छ। कार्यक्रममा लोकप्रिय…

कुवैत सिटी, अगस्ट २८ एक उच्चस्तरीय कारबाहीमा, कुवेतको आन्तरिक मन्त्रालयले मानव बेचबिखन र आप्रवासी तस्करीको आरोपमा ९के। श।० को रूपमा…

ओटावा, क्यानडा: भारत र क्यानडाले एकअर्काको राजधानीमा नयाँ उच्चायुक्तहरू नियुक्त गरेका छन् किनभने उनीहरूले कथित राजनीतिक हत्याको विवादमा शीर्ष राजदूतहरूलाई…

प्रतिकृयाहरू
...