आईपियल २०२५ पंजाव किंसलाई हराउदै रोयल च्यालेन्जर्स बेंगलुरुले पहिलो पटक आइपिएल उपाधि जितेर इतिहास रचेको छ। मंगलबार सम्पन्न आइपिएल २०२५ को फाइनलमा बेंगलुरुले पञ्जाब किंग्सलाई ६ रनले पराजित गर्दै लामो समय देखि आइपिएल जित्ने सपना पुरा गरेको छ।अहमदाबादमा मंगलबार भएको फाइनल खेलमा बेंगलुरुले पहिले ब्याटिङ गर्दै २० ओभरमा १९०/९ को स्कोर बनाएको थियो ।
बेंगलुरुको लागि विराट कोहलीले ३५ बलमा ४३ रन, रजत पाटिदारले २६ रन, लियाम लिभिङस्टोनले २५ रन र जितेन शर्माले २४ रन बनाएका थिए । पञ्जाब किंग्सका लागि अर्शदीप सिंहले ३ विकेट लिएका थिए ।जवाफी ब्याटिङमा आएको पञ्जाबले १८४/७ स्कोर मात्रै बनाउन सफल भएको थियो । जसका लागि शंकाक सिंहले नटआउट ६१ रन बनाएका थिए । बलिङमा बेंगलुरुका भुनवेश्वर कुमार र क्रुनाल पाण्ड्याले २-२ विकेट लिएका थिए ।
अहिलेसम्म मुम्बई इन्डियन्स र चेन्नई सुपर किंग्सले सबैभन्दा धेरै (५-५ पटक) उपाधि जितेका छन्। कोलकाता नाइट राइडर्सले ३ पटक, राजस्थान रोयल्स, सनराइजर्स हैदराबाद, डेक्कन चार्जर्स, गुजरात टाइटन्स र रोयल च्यालेन्जर्स बेंगलुरुले १-१ पटक उपाधि जितेका छन्।
