Tuesday 22nd April 2025

कविता:कमाई -नारायण कोइराला


ताली बजाउनेहरु धेरै देखेँ
गालीमा रमाउनेहरू धेरै भेटेँ
पैताला सधैँ जमीनमा राखेँ
सिर सधैँ ठाडो पारेँ
पैतालाको समस्याले जमीन भासिएन
गाली रमाउनेसँग सिर कहिल्यैँ झुकेन
पैताला पट्पट फुट्दा पनि जमीन फुटेन
लक्ष्यको पछि भागेको मस्तिष्क
कहिल्यै बिचल्ली भएन
खुसीमा खित्तित हाँसेन अनुहार
दुःखमा धरधरी रोएन अनुहार
हाँस्यो त मनसँग हाँस्यो सफलतामा
रोयो त मनसँग रोयो असफलतामा
कसैको डाह र इस्या गरेन संघर्षले
जति सक्यो मिहिनेत मै रमायो
न आफूलाई केही कमायो
न अरूलाई केही बनायो
मरुभूमीमा गएर सबै पसिना बगायो
मारुभूमिमा कमाएको पसिनाले देशमा
आफ्नो परिवार बस्ने घर बनायो
अहिले ,
शरीर घरमा उठ्नै नसक्ने गरी ढलायो
विदेशमा सकिनसकी गरेको मिहिनेतले
नराम्ररी शरीर गलायो
गाउँटोलमा परदेशी पीडाको चर्चा गरायो
लाग्छ जिउँदो छँदा देशमा केही नगरे पनि
मृत्युपछि घाटसम्म जाने मलामी कमायो।।

नारायण कोइराला
तानसेन,पाल्पा
हाल,कुवेत


सम्बन्धित शीर्षकहरु

बंगलादेशको राजधानी ढाकामा पाकिस्तान र बंगलादेशका विदेश सचिवहरूको बैठकपछि एक पत्रकारले सोधे कि के बंगलादेश भारतको सट्टा पाकिस्तानतिर झुकाव राखेको…

यमनका हुथी विद्रोहीहरूले भने कि शुक्रबार रास इसा तेल बन्दरगाहमा अमेरिकी हवाई आक्रमणमा कम्तिमा ३८ जनाको मृत्यु र १०२ जना…

उत्तरी बंगलादेशका एक प्रमुख हिन्दू नेता भावेश चन्द्र रोयको अपहरण गरी हत्या गरिएको छ। यो घटनापछि भारतले बंगलादेशप्रति कडा असन्तुष्टि…

प्रतिकृयाहरू
...