चर्चित गायक एबम अभिनेता प्रकाश सपूतको चलचित्र “बसन्त” मा समावेस गीत साँझ पर्यो झमक्क युट्यूब ट्रेडीङ्गमा पर्न सफल भएको छ । सपूतले जे मा हात राख्यो त्यो उत्कृस्ट बन्ने चर्चा र बिबाद दुवै हुने गर्दछ । चलचित्र बसन्तको लागि तयार पारिएको गीत ‘साँझ पर्यो झमक्क’ जुन यतिबेला राम्रो भ्युजका साथ युट्युब ट्रेन्डिङमा छ। प्रकाशको गृहजिल्ला बागलुङमा खिचिएको गीतको भिडिओमा उनी स्वयं र अभिनेत्री स्वस्तिमा खड्कासहितका कलाकारहरू छन्। कोरसमा १ सय जना हाराहारीको नृत्य देख्न सकिन्छ।
सपूतको डेब्यु निर्देशकीय चलचित्रको पहिलो गीत गत हप्ता सार्वजनिक गरिएको थियो । सार्वजनिक गीतमा प्रकाश सपूतकै शब्द र संगीत रहेको छ भने सपुत र चर्चित लोकदोहोरी गायिका शान्ती श्री परियारले स्वर दिएकी छन्। संगीत संयोजन सुदीप सागरको रहेको छ।
फिल्मका मुख्य कलाकारहरू प्रकाश सपूत, स्वस्तिमा खड्का, प्रभात पाल ठकुरी, श्री शिवान्सी र खड्क बहादुर पुन (खबपु) लाई प्रस्तुत गरिएको गीतको भिडियो मौसम हिमालीले कोरियोग्राफी गरेका छन्। गीतले फिल्मका दुई पात्र वसन्त र शान्तिबीचको प्रेमलाई दर्शाएको छ।
गलबन्दी प्रोडक्सनको ब्यानरमा मोहन विश्वकर्मा र विन्दु बोहोराद्वारा निर्मित फिल्ममा कथा र पटकथा पनि निर्देशक सपूतकै छ भने कोरियोग्राफी मौसम हिमाली, केविका खत्री र सुवास श्रेष्ठ, कला टोपबहादुर क्षेत्री, छायांकन निर्देशन सुसन प्रजापति र सम्पादन प्रविण भट्टको रहेको छ। फिल्ममा अनुरोध भट्टराई, नाना थकाली र विरेन्द्रनारायण श्रेष्ठ कार्यकारी निर्माता रहेका छन्।
भिडियो तल क्लिक गरेर हेर्नुहोस:-
