Sunday 27th July 2025

टिकटक माथी प्रतिबन्ध लगाउन नहुने माग अमेरिकी अदालतद्वारा अस्विकार


एजेन्सि-अमेरिकी अदालतले सर्वोच्च अदालतको समीक्षा नभएसम्म सम्भावित प्रतिबन्ध रोक्न टिकटकको निवेदन अस्वीकार गरेको छ ।अमेरिकाको संघीय पुनरावेदन अदालतले सामाजिक सञ्जाल प्लेटफर्म टिकटकको अनुरोधलाई अस्वीकार गरेको हो ।

कम्पनीका चिनियाँ मालिकहरूलाई सुप्रीम कोर्टले आफ्नो चुनौतीको समीक्षा नगरेसम्म देशमा प्रतिबन्ध लगाउन वा देशमा प्रतिबन्धको सामना गर्नु पर्ने कानूनको कार्यान्वयन रोक्नको लागि अस्वीकार गरेको अन्तराष्टिय सञ्चारमाध्यमले जनाएका छन् ।

सो अदालतले टिकटकको अनुरोधलाई ‘अनावश्यक’ भन्दै अस्वीकार गरेको जनाइएको छ ।

टिकटक र यसको मालिक बाइट डान्सका वकिलहरूले कोलम्बिया सर्किट डिस्ट्रिक्टको लागि युएस कोर्टमा गरेको अपीलमा भनिएको थियो कि अमेरिकी सरकारको नीति गलत छ, टिकटक माथी प्रतिबन्ध लगाइनु हुन्न । तर, सो अदालतका तीन न्यायधिसको संयुक्त इजालसले अमेरिकी सरकारको पक्षमा रहेको र कानूनलाई उनीहरूको चुनौती अस्वीकार गरेको जनाएका छन् ।

यसअघि बाइडन सरकारले टिकटक माथी प्रतिबन्ध लगाउने प्रकिया बढाए पछि टिकटक अमेरिकामा प्रतिबन्ध हुने खतरा कायमै छ । तर, नवनिर्वाचित राष्ट्रपति डोनाल्ड ट्रम्प पनि टिकटकमा खाता खोले पछि सो प्रतिबन्ध अगाडी नबढने संकेत देखिएको छ ।

त्यसैले अदालतले कम्तिमा कुनै निर्णय नदिएर तत्कालका लागि टिकटकको अनुरोधलाइ अस्विकार गरेको हो । ट्रम्पले पद तथा गोपनियताका सपथ नलिएसम्म अदालतले कुनै निर्णय नलिएको अन्तराष्ट्रिय सञ्चारमाध्यमले जनाएका छन् ।


सम्बन्धित शीर्षकहरु

अर्ध-राज्य आधिकारिक समाचार साइट तस्निमले एक कथित प्रत्यक्षदर्शीको बयान जारी गर्‍यो जसले दाबी गर्‍यो कि "बन्दुकधारीहरू बीस वर्षका तीन जना…

तितोपाटी-पाल्पाली लोक गायक बद्री पंगेनीको तीज कोसेली "पाल्पाली कान्छो झापाली कान्छी" सार्वजनिक भएको छ । बद्री पंगेनी अफिसियल युटयूव च्यानलबाट…

एजेन्सि-थाइल्याण्ड र कम्बोडियाबीचको सीमामा फेरि तनाव बढेको छ। थाइल्याण्डले कम्बोडियामा रहेको सैन्य अखडामा हवाई हमला सुरु गरेको छ। यसअघि बिहीबार…

प्रतिकृयाहरू
...