काठमाडौं महानगरपालिकाले महिलाहरुमा हुने स्तन क्यान्सर,पाठेघरको मुखको क्यान्सर तथा प्रजनन् अवस्थाको परीक्षण सुरु गरेको छ । पाठेघरको मुखको क्यान्सर तथा स्तन क्यानसर पहिचान गरी उपचार गर्न तथा रोकथाम गर्न निःशुल्क स्वास्थ्य परीक्षण सुरु गरिएको हो ।
निःशुल्क स्वस्थ्य परीक्षण कार्यक्रमको पहिलो दिन राष्ट्रिय सभा गृहका महिला जनप्रतिनिधि तथा कर्मचारीहरुको स्वास्थ्य जाँच गरिएको थियो । बुधवारबाट भने काठमाडौं महानगरमा बसोवास गर्ने महिलाहरुको स्वास्थ्य परीक्षणका लागि वडास्तरीय निःशुल्क क्यान्सर परीक्षण शिविर सुरु भएको छ ।
विश्व स्वास्थ्य संगठनको तथ्यांक अनुसार नेपालमा हरेक वर्ष तीन हजार भन्दा बढी पाठेघरको मुखको क्यानसरका नयाँ बिरामी थपिने गरेका छन् ।
