भियतनामको अदालतले बैंक ठगी मुद्दामा एक ६७ वर्षीया महिलालाइ मृत्यदण्डको फैसला सुनाएको छ । ट्रुङ मी लान नाम गरेकी ति महिलाले अर्बाैं ठगी गरेको मुद्दामा सो फैसला सुनाइएको हो । भियतनाममा बैंकिङ कसुरमा महिलालाइ मृत्युदण्डको सजायँ सुनाइएको यो पहिलो पटक हो ।
ट्रूङ मी लानले साइगन कमर्शल ब्याङ्क (एससीबी) बाट ४४ अर्ब डलर ऋण लिएको दाबी गरिएको थियो। उनले आफूमाथि लागेका आरोप अस्वीकार गरेकी थिइन्।
घर जग्गा कारोबारी रहेकी चर्चित महिला व्यापारी लानलाइ अदालतले २७ अर्ब डलर फिर्ता गर्न आदेश दिएको छ । ८५ जनालाइ प्रतिवादी बनाइएको र १४ जनालाइ मृत्युदण्डको दावी गरिएको उकत अभियोजनमा २,७०० जनासँग बयान लिइएको बताइएको छ। यो मुद्दामा १० सरकारी अभियोजक र झन्डै २०० वकिल संलग्न थिए।
-बीबीसी नेपालीबाट
