परम्परागत दुश्मन राष्ट्र ईजायरल र प्यालेस्टाईन बीच घमशान युद्ध भईरहेको छ । दुवै तर्फ ठुलो मात्रमा जनधनको क्षति भएको छ र युद्ध कति लामो हुने हो र त्यसले अरु कुन कुन देश लाई तान्ने हो विश्वको चिन्ता बढेको छ ।
अमेरिकी राष्ट्रपति जो वाईडेनले स्पष्ट शव्दमा ईजरायलको साथमा रहेको सन्देश सार्वजनिक गरिसकेका छन । ईरान ले हजबुल्ला र हमास लाई सधै साथ दिदै आईरहेको छ । युद्धले थला परेको भए पनि सिरिया प्यालेस्टाईनको पक्षमा सधै उभिने गर्दछ । अरब देशहरु भने फिजिकल्ली प्यालेष्टाईनको पक्षमा उत्रिएका छैनन । उनीहरुले विगत देखि नै आर्थिक, राजनैतिक र नैतिक रुपमा प्यालेस्टाईनका पक्षमा छदैछन ।
यो युद्ध यति बेला शुरु भएको छ जब की ईजरायल र साउदी अरेबियाका बीचमा केही निश्चित कार्ययोजनाका साथ एक संझौता हुने अवस्थामा रहेको थियो । इजिष्ट, कतार, दुवई, साउदी लगायतका देशहरुको ईजरायल सँग सम्बन्ध सुध्रिदै जादा यसलाई धक्का दिने मनशाय यस युद्ध पछाडीको एउटा मकसद हो ।
सनिवार विहानै देखि हमासले गाजापटटी को क्षेत्रबाट एक्कासी ईजरायलमा हमला शुरु गरेपछि ईजरायल अचम्ममा परर्यो । उसका गुप्तचरहरुले समेत थाहा नपाउने गरी हमासले कसरी यति ठुलो स्केलमा हमला गरर्यो भनेर दुनियाभर सवाल उठिरहेको छ । यसक्रममा करिब ४ हजार ५ सय मिसायल आक्रमणहरु भएका छन । अधिकांश मिसायलहरु आकाशमा नै ध्वस्त पारिएको भएन पनि धेरै तिरबाट भएको घमसान आक्रमण लाई विफल पार्न ईजरायल चुकेको देखिन्छ ।
समाचार अपडेट अनुसार अहिले पनि ईजरायलका विभिन्न २२ स्थानमा भिडन्त भईरहेका छन । हमासका लडाकुहरु ले मिसायलबाट आक्रमण शुरु गर्नु का साथ साथै जमिनबाट बोर्डर को अबरोध हटाउदै छिरेका थिए । उनीहरुले सीमानाको तारको जालीलाई त्यसपछि बुल्डोजर लगाएर फालिदिएका छन । ईजरायलको सिमा भित्र छिर्न उनीहरुले विभिन्न उपाय अपनाएको देखिन्छ । प्याराग्लाईडिंग को सहायताले उसका लडाकुहरु ईजरायली भूमिमा छिरेका थिए । उनीहरु हजारौको संख्यामा सीमा पार पुगेको भनाई छ ।
भौतिक रुपमा ईजरायलमा ठुलो क्षति भएको छ । ठुला ठुला भवनहरु भत्किएका छन भने सडकमा आगो का लप्काहरु निभाउन सुरक्षा कर्मी खटिरहेका देखिन्छ । यसक्रममा सयौ ईजरायलीहरुलाई हमासले बन्दक बनाएको छ । करिब दुई सय भन्दा धेरै ईजरायली सेना र सर्वसाधरण मारिएका छन । यसरी नै हमास तर्फ पनि ठुलो क्षति भएको छ त्यति नै संख्यामा त्यहाँ पनि मानिस मारिएका छन । दुवै तिर का अस्पतालहरुमा रगतको अभाब देखिएको छ । सयौको संख्यामा घाईतेहरु अस्पतालमा भर्ना भएका छन ।
ईजरायलका राष्ट्रपति नेतान्याहुँ ले आफ्नो देश युद्धमा भएको घोषणा गरेका छन र सेनाको रिर्जब र्फोसलाई आफ्नो कमाण्ड समाल्न का लागि फिर्ता बोलाएका छन । हमासको मिसायल आक्रमण भईरहदा ईजरायली लडाकु विमानहरु ले आकाशबाट प्रतिकार गरिरहेका थिए । युद्ध कति दिन सम्म चल्छ र यसले के रुप लिन्छ यसै भन्न सकिने अवस्था छैन । तर स्थितीलाई थप विग्रन नदिन संयुक्त राष्ट्रसँघले आव्हान गरेको छ ।
यसै बीच ईजरायलमा रहेका नेपालीहरु के कति हाताहातीमा परे के कति घाईते छन भन्ने यकिन भई सकेको छैन । अधिकांश पढन गएका विधार्थीहरु हमासको आक्रमणमा परेको बताईन्छ । केही गंभिर घाइते र केही बन्दक बनेको समाचारहरु आईरहेका छन । त्यहाँ स्थित नेपाली दुतावासले पनि नौ जना बन्दक भएको बताएको छ ।
पश्चिम एषियाका यी दुई देशहरुमा अझै एक पटक ठुलो रक्तपात निम्तने खतरा देखिएको छ । यीनीहरु दुई बीचको यो रत्तपातपूर्ण खेलमा कुन कुन राष्ट्रहरु पुन समिकरण र धु्रबीकरणमा को कता पुग्ने हुन यसै भन्न सकिन्न ।
