डा. हरिमोहन पोखरेल, कोहिमा /मणिपुर राज्यका मुख्यमन्त्री एन बिरेनले मणिपुरमा अतिरिक्त खेती गरेर जीविकोपार्जन गर्नेहरूलाई सहयोग राशि वितरण गरेका छन् ।
एनइसीको तत्वावधानमा जारी गरिएको सहयोग राशि भने अतिरिक्त खेतीको रूपमा राज्यका मानिसहरूले गाँजा र चरसको खेतीको सट्टामा जीविकोपार्जन गर्नुको लागि अन्य प्रकारको खेती गर्नको प्रेरणाको रूपमा सहयोग राशि दिएको उनले बताए ।
राज्यका पहाडी जिल्लाहरू जस्तै सेनापति, काङपोकपी, चंदेल, चुडाचांदपुर लगायत सबै खेतीवालाहरूलाई सहयोग राशि दिएको हो । एनइसीले केन्द्रको सहयोगले जम्मा चार करोड रुपैयाँको बजेट तैयार गरेर खेतीवालाहरूलाई नशा मुक्त बनाउने प्रयास गरेको हो ।
सहयोग राशि वितरण पश्चात मुख्यमंत्रीले भने कि मणिपुरलाई नशा मुक्त बनाउनको लागि सरकारको प्रयास हो । यस्तो प्रकारको खेतीले अवश्य पनि खेतीवालाहरूलाई फाइदा पुर्याउने छ ।
उनले अगाडि थपे कि हामीले ओरगनिक खेती तर्फ ध्यान दिनुपर्ने छ जसले हामीले आफूलाई अलग्गै रूपमा चिनाउन सकौं । उनले अगाडि भने कि मणिपुरमा एक दिन नशा मुक्ति मणिपुर हेर्न चाहने मेरो प्रयास पनि हो ।एकदिन अवश्य पनि सफल हुनेछ ।
स्मरण रहोस मणिपुर धेरै अगाडिबाट नशाको चपेटामा आएको हो ।अब त मुक्त हुन्छ भन्ने आशा राख्न सकिन्छ ।
—
कोहिमा नागालैंड भारत ।।
