मुक्तक १
रोदन भित्रको हाँसो सम्हालुँ कसरी
प्रतिघातको नासो सम्हालुँ कसरी ।
तिम्रो कारणले मर्न बाध्य हुनु पर्यो
लगाएको त्यो पासो सम्हालुँ कसरी ।
मुक्तक २
सम्पत्तिमा लोभ गर्ने बानी मन पर्दैन
दाजुभाइमा गर्छन् वैमानी मन पर्दैन
मरि लानु के नै छ र आखिर हामीले
गर्छन् यसरी घात जानीजानी मन पर्दैन ।
मुक्तक ३
फेरि पनि कोभिडको भय आउन सक्छ
विनाशकारी जस्तो प्रलय आउन सक्छ
समयमै सजक र सक्रिय भइ बसौ हामी
अकालमै मृत्यु हुने समय आउन सक्छ ।
मुक्तक ४
माइती जाउँला दर खाउँला यसपालीको तीजमा
दिदीबहिनी नाचौँला गाउँला यसपालीको तीजमा
दुई दिनको जीन्दगी न हो, रमाइलो गरौँला हामी
कम्मर भाँच्दै नाच्दैँ रमाउँला यसपालीको तीजमा ।
—
सम्झना थापा मगर
पु.ब.न.पा
साधीँखोला
स्याङ्जा
