Thursday 30th June 2022

भारतीय उत्पादनमाथि अरबमा रोक


तोयानाथ उपेक्षित, तीतोपाटी / भारतीय खाद्यान्न लगायतका उसका उत्पादनहरुलाई खाडी राष्ट्रमा बहिस्कार एवं निषेध गर्ने क्रम बढेको छ । कुवेतले पनि भारतीय बजारको रुपमा रहेको आफ्नो भूमिमा उसका उत्पादनमाथि रोक लगाउन खोजेको देखिएको छ । त्यसको आपुर्तिको विकल्पका रुपमा ईरानबाट सामान सप्लाई हुने व्यवस्था गरेको छ ।

यस्तो अवस्था एकाएक कसरी आयो भन्ने पनि लाग्दो हो तर यो एक साता पहिलेको घट्नाको बाछिटाका रुपमा अहिले अरब देशहरुमा फैलदो छ । गत साता भारतीय सरकारको सस्थापन पार्टी भाजपा की प्रबत्ता नुपर शर्माले एक टिभी शो को बहसमा थुतुनो नसमाल्दा यस्तो बबण्डर बढेको हो । काशीमा रहेको प्राचिन ज्ञानबापी मस्जिदको संरचना उत्खननका क्रममा शिव लिंग फेला परे पछि हिन्दु र मुश्लिमसमर्थकहरु बीच जुहारी चल्न थालिसकेको थियो त्यसै बेला उनले टिभि शो को एक बहसमा पनि होस गुमाएर बोलिन ।

उत्खननमा भेटिएको शिब लिंग भनि बहुप्रचारित बस्तु शिब लिंग नभएर प्राचिन समयमा बनाईएको फाउन्टेन थियो । त्यसैलाई आधार बनाएर मुश्लिम समुदायले हिन्दुहरुलाई बदनाम गर्न शिव लिंग भन्दै उनीहरुले गलत भ्रम फैलाएको भन्ने नुपुरको टिप्पणी थियो । उनको टिप्पणीमा ईश्लाम विरोधी भाषा, भाष्य र आशय सहितका विचारहरु दुराशययुक्त थिए भन्दै भारतमा मुश्लिम समुदाय विरोधमा उत्रियो । सो क्रममा उत्तर प्रदेश कानपुर, कर्नाटक लगायतका ठाउँमा प्रहरी सँग मुश्लिम समुदायको झडप समेत भएको थियो ।
यसै समयमा भारतका पूर्व विधायक तथा उधोगपति नविन जिन्दालको एक टवीटले आगोमा ध्यु थप्ने काम गर्यो । उनले ईश्लामिक धर्मका पर्वतक प्रफेट महोमदको विवाहको विषयमा प्रश्न उठाएका थिए । नुपुरको अभिव्याक्तिले भारत भित्रै साम्प्रदायीक हिंसा भडकिने संभावना टार्दै सरकारले नुपुर को विचार गलत भएको स्वीकार मात्रै गरेन उनलाई पार्टीको प्रबक्ताबाटै निकाल्न पर्यो । यतिले मात्रै महौल शान्त भएको छैन । उनका विरुद्धमा भारतका विभिन्न छुट्टा छुटटै अदालतहरुमा मुद्धा दायर गरिएका छन ।

यसै विच अरब वर्ल्ड भारत सरकार देखि रिसाएको देखिएको छ । कुवेतले यहाँ स्थित भारतीय राजदुतलाई बोलाएर स्पष्टिकरण सोधेको छ । यसरी नै भारतका विरुद्धमा अहिले कुवेत, साउदी अरब र बहराईनले कडा कदम चालेको देखिन्छ । यहाँ स्थित सुपरमार्केटहरुबाट भारतीय उत्पादनहरुलाई हटाउन थालिएको छ । त्यसका ठाउँमा सामानहरु ईरानबाट आपुर्ति व्यवस्था मिलाईएको भन्ने समाचारहरु पनि बाहिर आएका छन ।

अरब देशहरु भारतीयहरुका लागि रोजगारीका मुख्य गन्तव्य र त्यहाँको उत्पादनको प्रमुख बजारहरु पनि हुन । स्थितिलाई बेलैमा नसम्हाल्ने हो भने भारतलाई निक्कै ठुलो नोक्सान हुनेछ भने भारतीयहरूका लगानीमा सञ्चालित उद्योग र व्यपारमा समेत नराम्रो असर पर्ने बताईन्छ ।


Loading...
सम्बन्धित शीर्षकहरु

डा. हरिमोहन पोखरेल, कोहिमा /मणिपुर राज्यका मुख्यमन्त्री एन बिरेनले हिजो अन्तर्राष्ट्रिय स्तरमा उच्च खेल प्रस्तुत गरेर राज्य र राष्ट्रिय स्तरमा…

लुलु समुहका बजार तथा संचार निर्देशक वि. नन्दकुमार यस क्षेत्रको उत्कृष्ट अवार्ड "रिटेल मार्कम ICON'22" बाट सम्मानित भएका छन् ।…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग पाठशाला मिति:- २०७९/ ०३/०१४…

प्रतिकृयाहरू