स्रष्टा परिचय
नाम : दीपक लोहनी
माता/पिता :
गायत्री लोहनी
शिवशरण लोहनी
जन्म मिति : १५ असार २०३१
जन्म स्थान : नुवाकोट
स्थायी बसोबास :
कुरिलो घर
काठमाडौं
शिक्षा :
स्नातक
लेखन विधा : आख्यान, काव्य, समीक्षा
विशेष रुचि : आख्यान
साहित्यिक लेखन : बिद्यालयकालीन समयदेखि
पहिलो प्रकाशन : २०४६ साल
पहिलो प्रकाशित कथा : “सानीकान्छी पोइल गई ?”
गरिमा २०५१, साझा प्रकाशन
पहिलो प्रकाशित लघुकथा : “मैले लेख्न छोडिदिएँ”
तन्नेरी २०५२
….
#प्रकाशित_कृति :
१. आन्दोलनले छट्पटाएका कलमहरू (कविता – २०४९)
प्रस्फुटन परिवार
२. असहमतीका पाइलाहरू (कथा- २०५०)
प्रतविम्व
३. दीपक र दीपकहरू (लघुकथा – २०७७)
नारी स्रष्टा समाज
#पुरस्कार :
१. राष्ट्रिय कविता मोहत्सव (नेपाल प्रज्ञा प्रतिष्ठान – २०५६)
२. हेमलता तघुकथा सम्मान – २०७८ (प्रथम पटक)
३. अन्य केही
#संङ्लग्नता :
१. अभिव्यञ्जना साप्ताहिक साहित्यिक कार्यक्रम प्रस्तोता
(रेडियो अन्नपूर्ण नेपाल – ९४ मेगाहर्ज)
२. लघुकथाको सम्पादक
(साहित्यपोष्ट अनलाईन पत्रिका)
३. साप्ताहिक लघुकथा प्प्रतियोगिताको स्थायी निर्णायक
(साहित्यपोट अनलाइन पत्रिका)
४. एकादेशमा ..
संयोजक : समकालीन नेपाली कथाको मासिक वाचन सभा
(प्रस्फुटन परिवार)
५.. लघुकथा समाज नेपाल
बाग्मती प्रदेश, सदश्य
६.अर्गानिक लाइफ,
संयोजक : वातावरणीय जागरण अभियान
लघुकथा
आश्चर्य
-दीपक लोहनी
बुढाबुढी संगै सुतेका थिए । यो कुनै नौलो र आश्चर्यको कुरो थिएन । दुबै जना विपरित कोल्टे फर्किएर मोबाइल चलाउथे । यो पनि आश्चर्य थिएन । सामाजिक सञ्जालको बिगबिगीको कारण यो सब घरघरको काहानी थियो ।
मोबाइल चलाउँदै गर्दा बूढाको कन्डोले बूढीलाई छोएछ । बूढी रिसाई । रिसाई मात्र हैन जंगिई –
“मलाई किन हिर्काएको ? ”
एकसुरले मोबाइल चलाइरहेको बेला कसैको कन्डोले धक्का दियो भने रीस उढ्नु स्वभाविक नै हो ।
यो पनि आश्चर्य भएन ।
बूढीले रीसमा “सिमाठ्यास्नीको सन्तान” भनि ।
बूढाले पनि आवेशमा “वाईफालेको सन्तान” भन्यो ।
बूढाबूढीको झगडा परालको आगो । सल्किन बेर लागेन । सल्कियो । सल्किएरै चोटा, कोठा र मझेरी हुँदै ठीक रातको १२ बजे झगडा आँगनमा ओर्लियो ।
चकमन्न रातमा खैलाबैला मच्चिएपछि छिमेकीहरूको निन्द्रा बिउँझियो । उनीहरू खैलाबैला पछ्याउँदै बूढाबूढीको आँगनमा आए । बूढाबूढी दुबै सिमाठ्यास्नी र वाईफाले भनेर कुर्लिरहेकै थिए ।
छिमेकीहरूको एक हुलले बूढाबूढीलाई घेर्यो र एकै स्वरमा प्रश्न गर्यो –
“झगडाको कारण के चाही हो ?”
बल्ल बूढाबूढीमा मोबाईल र सामाजिक सञ्जालको ह्याङ्ग टुट्यो । उनीहरू लाजले निथ्रुक्कै भिजे । बूढो लुसुक्क भीडबाट बाहिरियो । बूढीले म्याक्सी उचालेर आफ्नो अनुहार भीडमाझ छोपी ।
अब चाही बल्ल आश्चर्य भयो कि कसो ?!
