तीतोपाटी डटकम- कुवेतमा सडक पार गर्ने क्रममा सिन्धुपाल्चोककी सानुकान्छी दोङको मृत्यु भएको छ । दोङलाई कुवेतको मंगाफमा क्रेनले ठक्कर दिएको हो ।
शुक्रबार दिउँसो करिब १:१५ बजे सडक पार गर्दैगर्दा बिपरित दिशाबाट आउँदै गरेको क्रेनले दोङलाई ठक्कर दिएको हो । उनको घटनास्थलमै मृत्यु भएको बताइएको छ ।
ठक्कर दिने क्रेनलाई कुवेत प्रहरीले नियन्त्रणमा लिएको छ । मृतकको शलाई पोस्टमार्टमको लागि अस्पताल पठाइएको बताइएको छ ।
सिन्धुपाल्चोक साबिकको गोल्छे-१की मृतक दोङको परिवार हाल सम्म संपर्कमा नआएकोले परिवारलाई नेपाली राजदूतावासको संपर्कमा आउन कुवेतका दितिय सचिब श्रीकृष्ण सिलवालले आग्रह गरे । उनले घटनापछीका कानुनी प्रकृयामा दूतावास र सम्बन्धित निकायले काम गरिरहेको बताए ।
