तीतोपाटी डटकम-भिजिट भिषाको आवरणमा दुबईमा मानव तस्करी गरेको अभियोगमा दुबई प्रहरीले त्रिनेत्र म्यानेजमेन्ट एण्ड कन्सल्टेन्सीका मालिक कोमलराज प्याकुरेललाई पक्राउ गरेको छ । उनलाई गैरआवासिय नेपाली संघ युएईको सहयोगको आधारमा पक्राउ गरेको हो ।
प्याकुरेलले नेपालबाट भिजिट भिषामा ८० जनाभन्दा बढी नेपाली सेनाका जवानहरुलाई आकर्षक तलब दिन्छु भन्दै प्रलोभनमा पारेर दुबई पुर्याएका थिए ।
उनको स्वामित्व रहेको उक्त कम्पनिले दुबईमा एउटा क्याम्पमा सयौँ नेपालीहरुलाई विचल्ली बनाएर राखेको विषयमा पहिलो पटक दियोपोस्ट डटकमले खुलाशा गरेको थियो ।
खबर प्रकाशित भएपछि दुबईबाटै प्याकुरेलले दियोपोस्टका अध्यक्ष तथा प्रधानसम्पादक सुदीप विश्वकर्मालाई टेलिफोनबाट नेपाल प्रहरीको डिआइजी लगाएर पक्राउ गर्ने धम्की दिएका थिए । त्यति मात्रै होइन उनी नेपालमै आएर समाचारको स्रोत र पीडितको पहिचान खुलाउन विश्वकर्मालाई दबाव दिएका थिए ।
दिया मिडियाबाट
