तीतोपाटी डटकम ,कुवेतसिटी-गैंर आवासीय नेपाली संघ राष्ट्रीय समन्वय परिषद (एनआरएनए) कुवेत र मेट्रो अस्पातलको सहकार्यमा शुक्रबार सम्पन्न निशुल्क स्वास्थ्य 
शिबिरबाट ३ सयभन्दा बढी नेपालीहरुले सेवा लिएका छन।
एनआरएनए कुवेतका महासचिब दिल पाख्रिन भन्छन’कुवेतको साल्मिया स्थित मेट्रो स्पेस्लाइज्ड हस्पिटल र एनआरएनएको सहकार्यमा कुवेतमा काम गर्ने ३ सय भन्दा बढी नेपालीहरुले निशुल्क स्वास्थ्य शिबिरमा सेवा लिए।कुवेतको सिभिल आईडी र राहदानीको आधारमा निशुल्क स्वास्थ्य शिबिरको सुबिधा दिईए पनि केही अनडकुमेन्टेड(कुवेतको भिषा कानुन उल्लङ्घन गर्ने) नेपालीहरुले पनि उक्त स्वास्थ्य शिबिरको फाईदा उठाएका थिए।’
बिहान १० बजेबाट बेलिकी ५ बजे सम्म स्वास्थ्य जाँचको लागि समय तोकिएको भएता पनि सेवाग्राहीको अत्याधिक चाप बढेकाले बेलुकी १० बजे सम्म स्वास्थ्यकर्मीहरुले सुबिधा उपलब्ध गराएका थिए।पाख्रिन थप्छन’ धेरै नेपाली दाजुभाइ-दिदीबहिनीहरुले एक्सरे,अल्ट्रासाउन्ड र केहीले डक्टरको सल्लाहा बमोजिमा पिसीआर परिक्षणको समेत सुबिधा लिएका थिए।’
स्वास्थ्यकर्मीहरुको भनाइलाई उध्रित गर्दै एनआरएनए कुवेतका अध्यक्ष रानाध्वज लामा भन्छन’अधिकांश नेपालीहरुमा मधुमेह, कोल्स्टोर, रक्तचाप र पिसाब सम्बन्धी समस्याहरु देखिएको थियो।त्यस अस्पातलका स्वास्थ्यकर्मीहरुले सके सम्म धेरै सेवाग्राहीहरुलाई आवश्यकता अनुसारका परिक्षण गरी
रिपोर्ट दिने साथमा
औषधी र फलोअप जाँचमा २० प्रतिशत छुटको सुबिधा दिएका थिए।सेवाग्राहीको संख्या सोचे भन्दा अत्याधिक भए पछी आगामी नोभेम्बर १९ शुक्रबार बिहान
७ बजे देखी १२ बजे सम्मका लागि सय जनालाई निशुल्क स्वास्थ्य जाँचको टिकट दिईएको छ।’
प्रमुख अतिथीको रुपमा श्वास्थ्य शिबि
रमा पुगेका कुवेतका लागि नेपाली राजदूत दुर्गा प्रसाद भन्डारीले एनआरएनए कुवेत र मेट्रो अस्पातलको सहकार्यमा अयोजित निशुल्क स्वास्थ्य शिबिरले धेरै नेपालीहरुलाई आफ्नो स्वास्थ्य अवस्था बुझ्ने अबसर दिएको र य
सलाई निरन्तरता दिन समेत अनुरोध गरे।
यसै बिच एनआरएनए कुवेतले एक प्रेश बिज्ञप्ती निकाल्दै प्रमुख अतिथी,मेट्रो अस्पातल अनी सहयोगी सबैलाई आभार ब्यक्त गरेको छ।
