Friday 22nd October 2021

वाह ! क्या स्वादिष्ठ थकाली दाल


आर. बी. बुढाथोकी-तीतोपाटी डटकम-खानाको पहिलो ग्राहक आँखा, दोस्रो नाक, तेस्रो जिब्रो र चौथो मुख हो । तसर्थ हरेक खाना पस्कने पाक कला अहिलेको युगमा अनिवार्य भइसकेको छ ।खाना मिठो मात्र भएर नहुने हुँदा हाम्रो मौलिक खानालाई पनि देख्न आकर्षक बनाउनुपर्ने आजको आवश्यकता हो ।

थकाली खानाको पनि अहिले बिस्तारै ब्रान्डिङ भएर सजावटमा परिमार्जन हुँदै गएको छ । आज हामीले थकाली खाना सेटको एक अभिन्न अंग थकाली दाल कसरी बन्छ भन्ने विषयमा चर्चा गर्दैछौं ।

ठाउँठाउँमा खोलिएका सबै थकाली भोजनालयमा मौलिक थकाली दाल नै पाइन्छ भन्ने कुनै तथ्य छैन । नाम राख्दैमा थकाली मौलिक खाना बन्दैन, यसका लागि थाकको इतिहास बुझ्न जरुरी छ ।सामान्य दालभन्दा थकाली दाल अलि पृथक र लामो प्रोसेसमा बनाइन्छ ।

थकाली दाल बनाउन चाहिने सामग्रीः

स्थानीय लोकल मासको दाल १०० ग्राम, खैरो मस्याङ्गको च्याख्ला ७० ग्राम, बेसार १ चिया चम्चा, लोकल चौरीको घ्यू ३ चिया चम्चा, हिमाली नून स्वाद अनुसार, जिम्बु २ चिया चम्चा, हिमाली टिमुरको धुलो आधा चिया चम्चा, अदुवा पिसेको १ चिया चम्चा, पानी आवश्यकताअनुसार ।

थकाली दाल बनाउने विधिः

मास र खैरो पश्चिमेली मस्याङ्गको च्याख्लालाई पखालेर १ रात भिजाउने र बिहान फलामको बाक्लो कराइमा पानी, दुवै दाल, बेसार, १ चिया चम्चा घ्यू हालेर सानो आचमा बिस्तारै पकाउने । बेलाबेलामा घोटी–घोटी चलाएर पकाउने । बिस्तारै कालो र बाक्लो हुँदै जान्छ र यस समयमा झन् हलुवा घोटेझै मज्जाले घोटेर लेदो बनाउने ।

अन्त्यमा आवश्यकताअनुसार तातो पानी हालेर मिलाउने । अर्को प्यान तताएर बाँकी घ्यू पगाल्ने र जिम्बु, अदुवा, बेसार, बोके टिमुरको धुलो, हिमाली नून हालेर झान्ने । आवश्यकताअनुसार हल्का तातो पानी थपेर पस्कने र यो दाल बासी भयो भने स्वाद फरक हुने हुँदा १ दिनमा कति खपत हुने हो त्यति मात्र पकाउनुपर्छ ।

@दि सोल्टी होटल काठमाडौंमा ‘सुसेफ’को रूपमा कार्यरत बुढाथोकी पाककला र सन्तुलित आहारका विषयमा कलम चलाउँछन् ।


Loading...
सम्बन्धित शीर्षकहरु

जन्मदिनको अवसरमा शुभकामनासहित बन्दना घिमिरे - भरतपुर,चितवनकी चेली,सफल व्यवसायी, कुशल पाठक र लघुकथाकार गीता शर्मा चापागाईंले मिति २०७८/७/४ गते हाम्राे…

तितोपाटी- वैदेशिक रोजगारीका लागि भन्दै दुबई गएर अलपत्र परेका पर्साको बहुदरमाई नगरपालिका घर भएका सात युवा उद्धार पश्चात घर फर्केका…

जुनेली परिकल्पना गरी जोडेम हामी धेरै मीत, ज्ञान,भाव,साहित्यमा सधै हुन्छ हाम्रो जीत, सत्यता र शीतलताको प्रतीक बन्यो जुनेली शीत, विश्वास…

प्रतिकृयाहरू