तीतोपाटी डटकम-कुवेतको साल्मियामा एक २९ बर्षिय नेपालीलाई अन्जान लुटेराले लुटेको छ।साल्मिया ब्लक १० मा ड्युटी सकेर आफ्नो कोठामा फर्किँदै गरेका ति नेपालिलाइ जबर्जस्ती रोकेर विभिन्न डर धम्कि दिदै आफ्नो पर्स निकाल्न लगाएर लुटिएको १३ जुलाई,२०२१का दिन अरब टाइम्समा प्रकाशित समाचारमा उल्लेख गरिएको छ।
समाचारका अनुसार पीडितले साल्मिया प्रहरीमा जाहेरी दिदै जाहेरीमा भनेका छन”पर्समा ६० केडी(नेरु करिब २३ हजार) पैसा र बैंक कार्ड रहेको थियो।साथै बैक कार्डको पछाडि एटीएम मेसिनबाट पैसा निकाल्ने ४ अंकको पिन नं लेखिएकोले लुटेराले आफ्नो बैक खातामा रहेको ४० केडी (नेरु १५ हजार ५ सय) समेत एटीएमबाट निकालेर लागेका छन।”
लुटिने नेपालीको विवरण भने समाचारमा खुलाईएको छैन।
