गजल
###
रैछौ धनको गरिब भनी, कोहि लत्याउँछन यहाँ ।
असल इमानदार देखि, कोहि पत्याउँछन यहाँ ।
स्वार्थहरु पूरा गर्न, ठाँउ ठाँउमा मौका हेरी,
बिना कारण पनि कोहि, गलहत्याउँछ्न यहाँ ।
कहिल्यै पर्ख नभनेर हैसियतले भ्याएसम्म,
जे मागे नि फुत्तै दिई, कोहि रत्याउँछन यहाँ ।
यो मुहारमा खुसी छर्न, जिन्दगीभर मरिमेटी,
अति धेरै माया गरि, कोहि मत्याउँछन यहाँ ।
मिठो मिठो परिकार, बनाएर खुवाउनलाई,
चामल र भुस छुट्याउन, कोहि बत्याउँछन यहाँ।
प्रतिमा शिवाकोटी
कालिन्चोक गा. पा ८, सुनखानी दोलखा।
(रचना : २०७८/३/३ बिहिवार)
