Tuesday 29th July 2025

महानन्द जयन्तीमा प्रतियोगितात्मक कवि गोष्ठी हुने


तीतोपाटी डटकम-अन्तर्राष्ट्रिय नेपाली साहित्य समाजले आगामी शनिवार महानन्द सापकोटा जयन्ती तथा प्रतियोगितात्मक कवि गोष्ठी गर्ने भएको छ । भाषाशास्त्री सापकोटाको १२५ औँ  जन्मजयन्तीको अवसर पारेर आयोजना गर्न लागिएको उक्त कार्यक्रमा  वाचित प्रतियोगी कविता मध्येबाट तीनजनालाई जनही एकएक सय  अमेरिकी डलरको पुरस्कार प्रदान गरिने छ ।

पुरस्कारको प्रायोजन अनेसास बोर्ड परिषदका सल्लाहकार रोहिणी शर्मा सापकोटाले प्रायोजन गर्नु भएको छ । कविता गोष्ठीमा सहभागिता जनाउन चाहने कविहरूले दुईसय शब्दसम्मको समसामयिक विषयमा लेखिएको कविता कार्यक्रममा वाचन गर्न सक्नेछन्  ।
अनेसास जर्जिया च्याप्टरको सहयोगमा हुने कार्यक्रम अनेसासले सापकोटाको नाममा गर्दै आएको पाँचौ वार्षिक अनलाइन साहित्यिक कार्यक्रम हुनेछ ।
कार्यक्रममा  मोहन सिटौला ,  डा. शंकर सुब्बा फागो , महेश प्रसाई-,गीतादेवी सापकोटा ,राधेश्याम लेकाली ,संजीव सापकोटा , तेराखलगायतले सापकोटाका साहित्यिक योगदानबारे प्रकाश पार्नेछन् ।

नेपाली निर्वचन नामक ग्रन्थका लागि दर्शन-विज्ञान विधामा २०२७ सालको मदन पुरस्कार  प्राप्त गरेका सापकोटाका डेढदर्जन साहित्यक कृति प्रकाशित छन् ।  पूर्वी नेपालको इलाम जिल्लाको इरौँटार देवानछापमा वि.सं. १९५३ साल वैशाख ३० मा जन्मेका सापकोटाको २०३५ साल असार १ मा देहावसान भएको थियो ।


सम्बन्धित शीर्षकहरु

नेपाल पत्रकार महासंघअन्तर्गत क्रियाशील विभिन्न बैदेशिक शाखाहरूले प्रतिनिधित्व र सहभागिताको सुनिश्चिततासहित चारबुँदे माग पेश गर्दै महासंघकी केन्द्रीय अध्यक्ष निर्मला शर्मा…

वाशिंगटन: अमेरिकी अधिकारीहरूले विदेशी हस्तक्षेपको आशंकामा अर्बपति एलोन मस्कको स्वामित्वमा रहेको सामाजिक सञ्जाल X मा फ्रान्सले गरेको आपराधिक अनुसन्धानको शुक्रबार…

निरेम प्रोडक्सनले आफ्नो वार्षिक सांगीतिक कार्यक्रम ‘निरेम सांगीतिक उत्सव’ को तेस्रो संस्करण यही आउँदो डिसेम्बर १२ मा हुने घोषणा गरेको…

प्रतिकृयाहरू
...