तीतोपाटी – विश्वव्यापी महामारी नोवल कोरोना भाइरस कोभिड-१९ संक्रमणको कारण नेपालमा अहिलेसम्म ५ हजार ४ सय ११ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार ४ लाख ७२ हजार ३ सय ५४ जनामा कोरोना संक्रमण देखिएकोमा ३ लाख ५२ हजार ४ सय १४ जना संक्रमणमुक्त भएका छन् भने १ लाख १४ हजार ५ सय २९ जना अाइसोलेसनमा छन् भने ७ सय ५२ जना क्वारेन्टिनमा रहेका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २० हजार ९ सय ७९ जनाको परीक्षण गरिएकोमा ८ हजार २ सय ३ जना संक्रमित भएका छन् भने सोही अवधिमा १ सय ९६ जनाको मृत्यु भएको छ । त्यसै गरि पछिल्लो २४ घण्टामा ६ हजार ८ सय ९१ जना कोरोनामुक्त भएका छन् ।
