Tuesday 29th July 2025

होटेल तथा रेष्टुरेन्ट ८ बजेसम्म खुला, मास्क नलगाइ सरकारी कार्यालय छिर्न निषेध


तितोपाटी- सोमबार बिहान बसेको मन्त्रिपरिषद्को बैठकले होटेल तथा रेष्टुरेन्ट बिहान ८ बजेदेखि बेलुका ८ बजेसम्म खोल्न पाउने नियम बनाएको छ । दोस्रो चरणको कोरोना संक्रमण रोकथामका लागि बैठकले यस्तो निर्णय गरेको सञ्चार तथा सूचना प्रविधिमन्त्री पार्वत गुरुङले बताएउनुभएको हो।

उहाँका अनुसार ८ बजेपछि भने होम डेलिभरी मात्र गर्न पाइनेछ । यसैगरी मास्क नलगाइ सरकारी कार्यालय प्रवेश गर्नेलाई निषेध गरिएको छ ।

मन्त्रिपरिषद्को सोमबार बसेको बैठकले पास गरेका निर्णयहरुबारे जानकारी दिँदै मन्त्री गुरुङले सिट क्षमता बराबर मात्र यात्रु राख्न पाइने बताउनुभएको छ ।

कुनै यात्रु मास्क नलगाइ सवारीमा प्रवेश गरेमा १० रुपैयाँको मास्क सवारी चालक/सहचालकले उपलब्ध गराउनु पर्ने भनिएको छ । साथै, मास्क नलगाउनेलाई भने सार्वजनिक सवारीमा चढ्न नदिने निर्णयमा उल्लेख भछ ।

सरकारी कार्यालयसँगै डिपार्टमेन्ट स्टोर तथा सपिङ मलहरुमा पनि मास्क लगाउन अनिवार्य गरिएको छ । मास्क नलगाउनेलाई कार्यालय र पसलमा प्रवेश गर्न रोक लगाइएको छ । यसैगरी विवाहमा २५ जना भन्दा बढी सहभागी हुन नपाउने निर्णय गरिएको छ ।-न्युज२४ नेपालबाट


सम्बन्धित शीर्षकहरु

नेपाल पत्रकार महासंघअन्तर्गत क्रियाशील विभिन्न बैदेशिक शाखाहरूले प्रतिनिधित्व र सहभागिताको सुनिश्चिततासहित चारबुँदे माग पेश गर्दै महासंघकी केन्द्रीय अध्यक्ष निर्मला शर्मा…

वाशिंगटन: अमेरिकी अधिकारीहरूले विदेशी हस्तक्षेपको आशंकामा अर्बपति एलोन मस्कको स्वामित्वमा रहेको सामाजिक सञ्जाल X मा फ्रान्सले गरेको आपराधिक अनुसन्धानको शुक्रबार…

निरेम प्रोडक्सनले आफ्नो वार्षिक सांगीतिक कार्यक्रम ‘निरेम सांगीतिक उत्सव’ को तेस्रो संस्करण यही आउँदो डिसेम्बर १२ मा हुने घोषणा गरेको…

प्रतिकृयाहरू
...