१
तनभरि मनभरि हरि हरि लेखिरह्याै,
तर पनि संसार याे अन्धकार देखिरह्याै।
सत्सङ्गले सुधारेन तिम्रो मनको मैलो यहाँ,
माया मोह जालले नै आँफूलाई छेकिरह्याै।
२
अयोध्यामा जाऊ चाहे मथुरामा जाऊ तिमी,
साकाहारी बन्छु भन्दै जति वाचा खाऊ तिमी ।
हत्या हिंसा रोकिँदैन व्यवहारिक जालभित्र,
देखाउन कण्ठी माला रुद्राक्ष नै लाऊ तिमी।
३
पूजा आजा गर्न जाँदा सेल्फी खिच्नै ठिक्क देख्छु
अघिपछि जिन्दगी यो धेरैको नै दिक्क देख्छु।
न्याय अनुशासन छैन संस्कृतिको ह्रास छायो,
सबै यहाँ ढोँगी मात्रै साधु मिलिक्क देख्छु।
४
अठार ती पुराणमा दुई मात्र विधा रैछन्
धर्मतीले कल्याण गर्ने पापी दुख दिँदा रैछन्।
जन्म जन्म कयाैं जन्म पाप गर्नेहरु पनि ,
क्षमा गरि प्रभु जीले शरणमा लिँदा रैछन् ।
५
जप ध्यान तपस्याले तन मन राम्रो हुन्छ ,
लोभ मोह त्यागे पछि सबै यहाँ हाम्रो हुन्छ।
मरिजाँदा लाने के हाे? चार हाते कात्रो मात्र
बुझेर नि मानिसको मन किन चाम्रो हुन्छ?
चन्द्रावती अधिकारी
लमजुङ दुराडाँडा – २
हाल:- कोहलपुर बाँके
