सम्झना छ छोरी मेरी घरकी एउटी परी ।
घर उज्यालो बनाउने दीप हौ नि छोरी ।।
नवै महिना कोखमा बस्यौ गर्दै लरिबरि ।
यो मुटुको धड्कन अनि श्वास हौ नि छोरी ।।
यो धर्ती मा आयौ तिमी वायु बेग सरि ।
चन्द्र जस्तै उज्यालो भो मेरो वरिपरि ।।
थियो घर रित्तो रित्तो जब भयो भरी ।
खुशी ले नै सिमा नाघ्यो जब आयौ छोरी ।।
ठुली भयौ ज्ञानी भयौ भयौ सोच भरी ।
तिम्लाई सुख दिन्छु भनी परदेश आको छोरी ।।
तिम्रै यादमा रातदिन मुटु गाँठो पारी ।
मलाई जस्तै तिम्लाई पनि भाहोला नि छोरी ।।
परदेशबाट आउँछ याद भिज्छन् यी परेली ।
मन मुटु तिमी मेरी जिन्दगी हौ छोरी ।।
लक्ष्य सधै अघि हुन्छ नहेर्नु है पछि ।
सधै सफल बन्नु तिमी आशिर्वाद छ छोरी ।।
सत्य कर्म सहि बाटो हिड्नु तिमी नछोडी ।
बिछ्याइएका समाजमा काँडा फाल्नु है छोरी ।।
के के लेखु कति लेखु पिडा छ नि मन भरी ।
तिमी सङ्गै हुन पाईन माफ गरिदेउ है छोरी ।।
प्रदेशमा साट्दै छु पसिना रगत बगे सरि ।
छिट्टै फर्की आउने छु वाचा गर्छु है छोरी ।।
छुट्ने बेला मन गरुङ्गो आँखा भरी भरी ।
मेरो खुशी सारा संसार तिमी हौ नि छोरी ।
कमला पाण्डेय तिवारी
हाल: इजरायल ।
