बहर (मिर)
मात्रा : २२
काफिया बन्धन: आउन्न
शंकै शंकाको विच माया लाउन्न ।
भो अब पिरतीको कुनै गीत गाउन्न।
हामीले पिरती गाँस्ने चौतारीमा
आजैदेखी प्रण गरे म त धाउन्न।
विपनामा अब त के भेट गरौला र खै
सपनिमा नै पनि तिम्रो सामु छाउन्न।
दिमागमा गाढा छाप बसेपछि सानु
याद भने मुटुबाट कहिल्यै हटाउन्न।
शब्द वाण दिलैमा प्रहार गरेपछि
मनका कुरा खुलेर कहिल्यै बताउन्न।
२०७७/११/१८
धर्मिला कार्की
चिसङ्खुगढी-३, ओखलढुङ्गा
हाल: महाराजगन्ज-३, काठमाडौँ
