मुक्तक
१)
किसानहरु मारमा छन् न त भने जस्तो खाद्य,भए ।
छैन देशमा रोजगार युवाहरू विदेशिनु बाध्य,भए ।
पीडा सहनु पर्ने दु:खी,गरिव, दरिद्र किसानहरूले,
खेतीबाट कमाउँला धन सोचेर न त साध्य,भए ।
२)
पतन होस् जहाँ मेरा अङ्ग,अघि बढ्नेछु ।
धर्तीलाई छर्दै खुनको रङ्ग,अघि बढ्नेछु ।
निरंकुश ढल्ला बरू मेरा यी कलम ढल्दैन,
सारा संसारलाई बनाउन दङ्ग,अघि बढ्नेछु ।
३)
रगत भन्दा भावनाको नाता,ठुलो रहेछ ।
सुरक्षित हुन पाना भन्दा गाता, ठूलो रहेछ ।
त्रिनेत्र नै जलन हुने गरि भगवान जलाउँछौ,
प्राणीमा जन्म र मृत्युको खाता, ठुलो रहेछ ।
४)
सडक पेटीको बास,बनाएर ढलेका छन् ।
जीवन जिउँदो लास,बनाएर ढलेका छन् ।
कसले खोज्छ अनाथको जिउने आधारहरू,
धर्ती आकाश खास,बनाएर ढलेका छन् ।
५)
हत्याहिंसा मात्र गर्ने, जमाना आयो देशमा ।
गरीबले दबिनु पर्ने,जमाना आयो देशमा ।
सरकार यहाँ सत्यताको न्याय देऊ जनतालाई ,
निर्दोष अन्यायमा मर्ने,जमाना आयो देशमा ।
✍️नानीमाया सुनुवार
ताप्लि गाउँ पालिका – ४,उदयपुर
