काँडा मात्रै भयो अचेल बाटो किन होला ?
दुधसँग पानीको नि फाटो किन होला ?
एउटै घर जन्मियाैं एउटै घर हुर्कियाैं
दाजुभाइ बिच पनि फाटो किन होला ?
कस्तो रहेछ नशा पैत्रिक सम्पति माथि
फरक भयो खेतबारीको पाटो किन होला ?
भाइ फुटे गवार लुटे भन्छ सारा जगत
बुझेर नि नबुझे झैं लाटो किन होला ?
खिचातानी विवादहरू बढ्दै गए पछि
देखाउँछन् एक अर्कोलाइ भाटो किन होला ?
-गोमा कुमाल
माथागढी – २
रूप्से, पाल्पा ।
