Tuesday 26th August 2025

युगल गीत -धर्मिला कार्की


रस मिठो अंगुर दानाको
अचार मिठो मुलाको चानाको।२।

केटा-: दियो बल्यो पक्कै नि आशाको
बैज्ञानीक बन्ने रहर छ नासाको
केटी-: कपडा सस्तो चिटिक्क खासाको
विज्ञ चाहिँ बनौला भाषाको

केटा-: चरालाई पिर गुँड र आहाराको
खाँचो मलाई तिम्रै नै सहाराको
केटी-: आकाश घर जुन र ताराको
भलो होस् जगत साराको

केटा-: दिन गए फुस्रा र कालाको
माया मिठो स्याउजस्तो गालाको
केटी-: सत्यकुरा बाजेको पालाको
भर नपर चाउरिने छालाको

केटा-: सिरसिर हावा रमाइलो डाँडाको
दिलको महल होइन है भाडाको
केटी-: फूललाई डर सधै नै काँडाको
कलियुग भो जमाना छाडाको

केटा-: वर्षायाममा महत्व छाताको
सम्बन्ध गाढा भावना नाताको
केटी-: बधाई बिना काम छैन खादाको
किताबलाई आवश्यकता गाताको

संयुक्त-: रस मिठो अङ्गुर दानाको
अचार मिठो मुलाको चानाको।२।

-धर्मिला कार्की
महाराजगन्ज, काठमाडाैं ।


सम्बन्धित शीर्षकहरु

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

वासिङ्टन: राष्ट्रपति डोनाल्ड ट्रम्पले नजिकको राजनीतिक सहयोगी सर्जियो गोरलाई भारतका लागि अमेरिकी राजदूतको रूपमा नियुक्त गरेका छन्। नयाँ दिल्लीसँगको सम्बन्धमा…

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

प्रतिकृयाहरू
...