Sunday 22nd November 2026

कविताः परदेशीको दशैँ – लोक छन्द: सवाई -हरि शर्मा (गलकोटे कवि)


बाबा आमा दाजुभाइ सबै इष्ट मित्र।
दिदी बैनी चेलीबेटी पर्ने नाता भित्र।
ससुरा र सासु अनि साला-सालीहरू।
मामा माइजु भाइ छोरा बुहारी र अरु।१। 🌷🙏🌺

साना बाबा ठूला बाबा सानी ठूली आमा।
सम्झेका र नसम्झेका नाता सम्पूर्णमा ।
साढुदाइ साढुभाइ डाडु पन्यु सबै।
दसैँको मौका पारी सम्झेँ मैले आजै ।२। 🌷🙏🌺

नवदुर्गा भवानीले रक्षा गरुन् भन्दै।
बिन्ती गरी बसेको छु दिन रात गन्दै ।
घरदेश जस्तो प्रदेशमा हुँदै हुन्न दशैँ।
जसो तसो गरिकन मनाउँदै छौँ अझै ।३। 🌷🙏🌺

आज भोली गर्दा गर्दै धेरै वर्ष बिते।
कतिपय इष्ट मित्र नातागोता टुटे।
टाढा टाढा बस्नु पर्दा भाइहरु छुटे।
सबैजना आफ्नो इक्षा पुरा गर्न जुटे ।४। 🌷🙏🌺

मनमा हुने सारा सबै इक्षा पुरा हुँदै जाउन्।
शत्रु बैरी ठाडो आँखा गरी हेर्न नपाउन् ।
रामचन्द्रको जस्तो शत्रु नाश हुँदै जाउन् ।
बिदुर जस्तो ज्ञानी हुनु सबै सोध्न आउन् ।५। 🌷🙏🌺

सम्पति होस दशरथ जस्तो बायु जस्तो गति ।
ऐश्वर्य होस् नहुष जस्तो नारायणको कीर्ति ।
दुर्योधन जस्तो मान युधिष्ठिरको सत्य ।
भिष्म जस्तो शुरता होस् नडग्नु एक रति।६। 🌷🙏🌺

आशिर्वाद आदान प्रदान गरी मानौँ दशैँ।
कोरोनाले फिँजाएको हल्ला जता ततै।
कुनै बेला पक्कै पनि हुन्छौँ हामी सँगै।
त्यतिखेर मनका कुरा खोलौँला है सबै ।७। 🌷🙏🌺

हरि शर्मा(गलकोटे)🌷🙏🌺
मिशिगन, अमेरिका । 🌷🙏🌺


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...