तितोपाटी- नेपालमा पछिल्लो २४ घण्टाभित्र कोरोना संक्रमणबाट थप १७ जनाको मृत्यु भएको छ । जसमध्ये ५ जना महिला र १२ जना पुरुषको संक्रमणका कारण मृत्यु भएको छ । यो संगै देशभर कोरोना संक्रमणबाट मृत्यु हुनेको संख्या ४५३ पुगेको स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले जानकारी गराएका छन ।
स्वास्थ्य तथा जनसंख्याका अनुशार कोरोना संक्रमणबाट मृत्यु हुनेमा काठमाडौंका १ महिला र ३ पुरुष गरी ४ जना रहेका छन् । भने धनुषाका २ पुरुष, भक्तपुरका १ महिला र १ पुरुष गरी २ जनाको मृत्यु भएको मन्त्रालयले जनाएको छ । त्यसैगरी मोरङकी, सुनसरी, धादिङका १ –१ महिलाको मृत्यु भएको छ । झापा, रौतहट, तनहुँ, दाङ, कपिलवस्तु र नवलपरासीका १ –१ जना पुरुषको मृत्यु भएको मन्त्रालयका प्रवक्ता गौतमले बताएका छन ।
