Wednesday 25th June 2025

नेपालको जलविद्युत र कृषि क्षेत्रमा सहकार्य गर्न ओमानको इच्छुक


तितोपाटी – ओमानले नेपालको जलविद्युत र कृषि क्षेत्रमा सहकार्य गर्न आफू तयार रहेको प्रतिबद्धता व्यक्त गरेको छ । ओमानका लागि नेपालकी राजदूत शर्मिला पराजुली ढकालसँगको भेटमा ओमानका व्यापार, उद्योग तथा लगानी प्रवर्द्धन मन्त्री काइस मोहम्मद अल युसुफले उक्त कुरा बताएका हुन् । मन्त्री युसुफले नेपालका कृषि क्षेत्रका उत्पादनहरूलाई ओमानको बजारमा विशेष प्राथमिकता दिइने बताएका थिए । मन्त्री युसुफ ओमानका नवनियुक्त व्यापार, उद्योग तथा लगानी प्रवर्द्धन मन्त्री हुन् ।

भेटको क्रममा नेपाल र ओमानबीच व्यापार, वाणिज्य तथा लगानी प्रबर्द्धनका लागि आवश्यक रणनीतिहरूका सम्बन्धमा पनि छलफल भएको थियो। उक्त छलफलमा ओमानका व्यापार, उद्योग तथा लगानी प्रवर्द्धन मन्त्रालयका सचिव असिलाह विन्ट सलिम अल स्याम्समी पनि सहभागी थिए।

राजदूत ढकालले भेटका अवसरमा नेपालको वर्तमान स्थिर राजनीति, चलायमान अर्थतन्त्र तथा सुमधुर सामाजिक परिवेशका बारेमा जानकारी गराएकी थिइन् । साथै, उनले नेपालमा वैदेशिक लगानीको उचित वातावरण सिर्जना भएकाले नेपालका जलविद्यूत, भौतिक पूर्वाधार, कृषि, उद्योग एवं पर्यटनजस्ता आकर्षित क्षेत्रहरूमा ओमानले लागानी गर्न सक्ने राम्रो अवसर रहेको उल्लेख गर्दै लगानीका लागि विशेष अनुरोध गरेकी थिइन् ।


सम्बन्धित शीर्षकहरु

इजरायलले अपरेशन राइजिङ लायन सुरु गरेको केही घण्टापछि, इजरायली गुप्तचर अधिकारीहरूले इरानका केही वरिष्ठ अधिकारीहरू विरुद्ध धम्की अभियान सुरु गरेको…

लुलु कुवेतले कश्मीरका उपत्यकाहरूबाट प्रिमियम चेरीहरू ल्याएर व्यावसायिक रूपमा सेवा दिन शुरू गरेको छ । अल राईको लुलु हाइपरमार्केटमा आयोजित…

इरानको राज्य सञ्चारमाध्यमले आइतबार घोषणा गर्‍यो कि इरानी संसदले इरान भित्रका धेरै आणविक स्थलहरूमा अमेरिकी सैन्य हमलाको प्रतिक्रियामा विश्वको सबैभन्दा…

प्रतिकृयाहरू
...