तितोपाटी – नेपालमा कोरोना भाइरस संक्रमणबाट पछिल्लो २४ घन्टामा थप ११ को मृत्यु भएको स्वास्थ्य तथा जनसंख्या मन्त्रालयले औपचारिक रुपमा पुष्टि गरेको छ । मन्त्रालयले मंगलबार आयोजना गरेको नियमित कोरोना मिडिया ब्रिफिङमा प्रवक्ता डा जागेश्वर गौतमले मृतकमा ४ जना महिला र ७ जना पुरुष रहेको बताए ।
मृतक महिलामा सिराहाकी ३५ वर्षीया, बाराकी ५५ वर्षीया, काठमाडौँकी ८६ वर्षीया, रुपन्देहीकी ६४ वर्षीया रहेका छन् ।
त्यसैगरी पुरुषमा सर्लाहीका ६४ वर्षीय, बाराका ५५ वर्षीय र काठमाडौँका ३४ वर्षीय, ९६ वर्षीय, ६६ वर्षीय, ६१ वर्षीय र कपिलवस्तुका ५८ वर्षीय रहेका छन् । नेपालमा कोरोना संक्रमणबाट मृत्यु हुनेको संख्या मंगलबार अपराह्नसम्म ३७१ पुगेको छ ।
