तितोपाटी – नेपाल सरकारले लामो दुरीका यातायात र आन्तरिक हवाई उडान असोज ५ गतेबाट सुचारू गर्ने निर्णय गरेको छ । मन्त्रीपरिषद्को सोमबार बसेको बैठकले यो निर्णय गरेको हो ।
सोमबार बसेको मन्त्रिपरिषद् बैठकले चैतदेखि बन्द रहेका आन्तरिक उडान र लामो दूरीका यातायात असोज ५ गतेदेखि खुला गर्ने निर्णय गरी स्वास्थ्य सम्बन्धी मापदण्ड पालना गरेर हवाइ उडान र सार्वजनिक लामो दूरीका यातायात खोल्ने निर्णय भएको हो ।
सरकारले चैतमा लकडाउन घोषणा गरे यता आन्तरिक उडान बन्द गरेको थियो भने यातायात व्यवसायीहरुले असोज १ गतेदेखि लामो दुरीको बस सञ्चालन गर्ने भन्दै सरकारलाई दवाव दिएका थिए ।
त्यसै गरि बहु प्रतिक्षित नेपाल विद्युत प्राधिकरणको निर्देशक पदमा कुलमान घिसिङलाइ पुनः नियुक्ति गर्ने वा नयाँ व्याक्तिलाइ नियुक्ति दिने विषयमा अाजको मन्त्रीपरिषद् बैठकमा कुनै निर्णय हुन सकेन ।
