Sunday 24th August 2025

नेपालमा कोरोनाको कारण पछिल्लो २४ घण्टामा ११ जनाको मृत्यु, मर्नेको संख्या ३०० पुग्यो


तितोपाटी – विश्वव्यापी महामारीको रूपमा विश्व समुदायलाइ त्राहीत्राही पारिरहेको कोरोना भाइरसको कारण नेपालमा पछिल्लो २४ घण्टामा ११ जनाको मृत्यु भएको छ । यो सँगै नेपालमा कोरोनाको कारण ज्यान गुमाउनेको संख्या ३०० पुगेको स्वास्थ्य तथा जनसंख्या मन्त्रालयद्वारा अाज अध्यावधिक गरिएको १८६ अाैं मिडिया ब्रिफिङमा बताइएको छ । मृत्यु हुने हरूमा प्रदेश १ का एक जना पुरूष, प्रदेश २ का २ जना पुरूष, प्रदेश ३ का ३ महिला र ३ पुरूष गरि ६ जना, प्रदेश ४ का १ जना महिला र प्रदेश ५ का १ जना पुरष रहेका छन् ।

मृत्यु हुनेमा ४ महिला र ७ जना पुरुष रहेका छन्। मृत्यु हुने महिलामा तीनजना काठमाडौंका छन् भने एक जना कास्कीकी रहेकी छन्। मन्त्रालयका अनुसार काठमाडौंका ९०, ८३ र ३७ वर्षीया र कास्कीकी ६३वर्षीया महिलाको मृत्यु भएको हो ।

त्यसैगरी सिराहाका ८७ र ६२ वर्षीय दुईजना पुरूष, मोरङका ७६ वर्षीय पुरूष,सर्लाहीका ३५ वर्षीय पुरूष, दोलखाका ६९ वर्षीय पुरूष, मकवानपुरका ३९ वर्षीय पुरूष र बाँकेका ५९ वर्षीय पुरुषको निधन भएको राष्ट्रय अध्यावधिक प्रतिवेदनमा जनाइएको छ।


सम्बन्धित शीर्षकहरु

रियाद: साउदी अरबका युवराज मोहम्मद बिन सलमानले बिहीबार वार्षिक राष्ट्रिय रक्तदान अभियान सुरु गर्न रक्तदान गर्नुभयो, जुन एक दयालु इशारा…

न्यायको क्रूर कार्यान्वयनमा, इरानले तीन दिनमा दोस्रो सार्वजनिक मृत्युदण्ड दियो। बिहीबार, अगस्ट २१ मा, हत्याको दोषी ठहरिएका एक इरानी पुरुषलाई…

बेरुत: लेबनानी सेनाहरू बिहीबार राति बेरुतको दक्षिणी उपनगरहरूमा रहेको बुर्ज अल-बराजनेह शरणार्थी शिविरमा प्रवेश गरे र प्यालेस्टिनी गुटहरूलाई निशस्त्रीकरण गर्ने…

प्रतिकृयाहरू
...