फेशन हो कि नाईटो देखाई भुँडी छोप्नु पर्ने ।
सधैं ढाक्नुपर्ने ठाउँमा ठुलो ट्याटु खोप्नु पर्ने ।
श्रृंगार कै प्रकृया हो कि सुन्दरी हुने बहाना
शरीरबाट रौंहरू झिकेर टाउकोमा रोप्नु पर्ने ।
ताराको के महत्व चम्किलो जुन पाएपछि ।
चाँदिको के भाउ सक्कली सुन पाएपछि ।
टाढैबाट नियाल्दै छु तिमीलाई आजभोलि
साह्रै खुसी भयौ खुनको साटो गुन पाएपछि ।
अब सहारा चाहिन्न तिम्रो जिबन जिउनलाई ।
अब बहाना चाहिन्न मधुशालामा पिउनलाई ।
तिम्रो ज्यादतीको पराकाष्ठा मैंले बुझिसकें
छोड सियो सरि बचनले मेरो मुटु सिउनलाई ।
-राम भण्डारी
सिन्धुपाल्चोक
हालः काठमाडाैं ।
