सबैका कथा र ब्यथा हुन्छन् जिबनमा ।
कति मिठा,तिता दुबै हुन्छन् जिबनमा ।
कुनै पर्वाह नगरेर उतार चढावको पनि
केहिले मात्रै सगरमाथा छुन्छन् जिबनमा ।
धेरै भएको छैन अस्ति मात्रै भेटेको हो ।
पत्तै नपाईकन हत्तारमा प्यास मेटेको हो ।
फेरि कसरी अाज आएर निर्दयी हुँदै
किन मेरो सपनाको घाँटी रेटेको हो ।
लुकेर भेट्नु भन्दा नभेटेकै जाती ।
झुकेर हेर्नु भन्दा त नहेरेकै जाती ।
सँधै जसो कपट गरि गरि तिमीले
झेलले हराउने खेल नखेलेकै जाती ।
मुटु पनि धड्कन सँग छुटेपछि यहाँ ।
आशा पनि सिसा जस्तै फुटेपछि यहाँ ।
बाँचेको के सार यो स्वार्थी दुनियाँमा
सामुन्नेमै तिम्रो इज्जत लुटेपछि यहाँ ।
-राम भण्डारी
सिन्धुपाल्चोक
हालः काठमाडाैं ।
