तितोपाटी – भारतीय पूर्वराष्ट्रपति तथा नेता प्रणव मुखर्जीलाइ कोरोना सकंमण पुष्टि भएको छ । ८४ वर्षीय उनलाइ कोरोनाभाइरस परीक्षण गर्दा पोजिटिभ रिपोर्ट आएको हो । मुखर्जीले ट्वीट गर्दै आफूलाई कोरोना संक्रमण भएको जानकारी दिएका थिए । उनले पछिल्लो साता आफ्नो सम्पर्कमा आएका मानिसहरुलाई आइसोलेसनमा जान पनि आग्रह गरेका छन् ।
मुखर्जी उपचारका लागि सोमबार अस्पताल पुगेका छन् । मुखर्जीले ट्विट गरेका छन्, ‘छुट्टै प्रयोजनका लागि अस्पताल गएको बेला कोभिड–१९ को पनि परीक्षण भयो। त्यसक्रममा संक्रमण पुष्टि भएको छ।’ भारतमा हालसम्म २२ लाख ५७ हजार भन्दा धेरै संक्रमित छन् ।
२०१२ देखि २०१७ सम्म भारतको राष्ट्रपति बनेका मुखर्जी पछिल्लो समय सक्रिय राजनीतिमा छैनन् । मुखर्जी संक्रमित भएपछि उनको स्वास्थ्य लाभको कामना गर्दै सामाजिक सञ्जालमा थुप्रैले प्रार्थना गरेका छन् । देशका प्रभावशाली राजनीतिज्ञ, पत्रकार, लेखकहरुले उनको स्वास्थ्य लाभको कामना गरेका छन् ।
