तितोपाटी – नेपालमा पछिल्लो २४ घण्टामा थप ३७८ जनामा कोरोना संक्रमण पुष्टि भएर कुल संक्रमित संख्या २२५९२ पुगेको छ भने देश भरका अस्पताल तथा आइसोलेसन सेन्टरमामा ६२०६ जना उपचाररत रहेका छन् । पछिल्लो २४ घण्टामा ४९९ जना कोरोना जितेर घर फर्केका छन् भने ३ जनाको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार शनिबार अपरान्ह सम्म कुल १६३१३ जना कोरोना संक्रमणबाट निको भएर घर फर्किएका छन् । त्यसै गरि मृत्यु हुनेहरूमा काठमाडौं टोखा नगरपालिका-६ की ४१ वर्षीया महिला, पर्सा वीरगन्ज महानगरपालिका-३ छपकैया बस्ने ७४ वर्षीय पुरुष र मोरङ विराटनगर-९ बस्ने ५८ वर्षीय पुरुष रहेका छन् भने अहिलेसम्म कोरोनाको कारण मृत्यु हुनेको संख्या ७३ पुगेको छ । हालसम्म देशभर पीसीआर विधिबाट ४ लाख ३५ हजार २ सय ८९ जनाको परीक्षण भएको छ भने हाल क्वारेन्टाइनमा १० हजार ७ सय ९२ जना रहेका छन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड ९५ लाख ७४ हजार भन्दा बढि संक्रमित भइ १ करोड २५ लाख ६९ हजार भन्दा बढिले स्वास्थ्यलाभ गरिसकेका छन् भने ७ लाख २४ हजार भन्दा बढिको ज्यान गइसकेको छ ।