मुस्कुराउनु र मन खोलेर हाँसिदिनु फरक छ ।
मनपर्नु र गहिरो सम्बन्ध गाँसिदिनु फरक छ ।।
सायदै केहि थाहा भएजस्तो लागेन तिम्लाई
मन लगाउनु र मुटु भित्र टाँसिदिनु फरक छ ।।
सोच्ने गर कहिले काहीँ मेरो तिरबाट पनि है
जिवन जिउनु र अनाहक नासिदिनु फरक छ ।।
मनमा प्रश्न उठे भने शंकाकै भरमा कसैलाई
प्रतिघात गरेर मायाको फाँसिदिनु फरक छ ।।
सुन्दा उस्तै लाग्छ मायामा संगीतको धुन पनि
सुर र ताल नबुझी माया मासिदिनु फरक छ ।।
-राम भण्डारी
सिन्धुपाल्चोक
हालः काठमाडाैं ।
