तितोपाटी – नेपालमा कोभिड-१९ संक्रमण हुनेको संख्या बढ्दो क्रममा रहेको छ । राजधानी उपत्यकामा केहि दिन यता बढ्दो क्रममा रहेको कोरोना संक्रमण यथावत नै छ भने भारतीय सिमामा जोडिएका तराइका जिल्लामा संक्रमणको जोखिम उच्च रहेको छ भने पछिल्लो २४ घण्टामा काठमाडाैं उपत्यकामा थप ८७ जनामा कोरोना संक्रमण देखिएको छ । पछिल्लो २४ घण्टामा थप ६२ जनामा संक्रमण देखिएको छ । नेपालमा पछिल्लो २४ घण्टामा थप ३६० जनामा कोरोना संक्रमण पुष्टि भएर कुल संक्रमित संख्या २१७५० पुगेको छ भने देश भरका अस्पताल तथा आइसोलेसन सेन्टरमामा ६२९६ जना उपचाररत रहेका छन् । पछिल्लो २४ घण्टामा २३३ जना कोरोना जितेर घर फर्केका छन् भने ५ जनाको मृत्यु भएको छ ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार बिहिबार अपरान्ह सम्म कुल १५३८९ जना कोरोना संक्रमणबाट निको भएर घर फर्किएका छन् । त्यसै गरि सर्लाही जिल्ला मलंगवा – ८ की ६५ वर्षीया महिला, धनुषा जिल्ला मिथिला नगरपालिका – १० की वर्ष ७२ की महिला, सप्तरी जिल्ला रूपनी नगरपालिका – ५ का वर्ष ४२ का पुरूष, विराटनगर महानगरपालिका – ९ का र रंगेली नगरपालिका – ८ का ४५ वर्षीय २ पुरुषको कोरोनाको कारण मृत्यु भएको छ भने अहिलेसम्म कोरोनाको कारण मृत्यु हुनेको संख्या ६५ पुगेको छ । हालसम्म देशभर पीसीआर विधिबाट ४ लाख १९ हजार ५ सय ७५ जनाको परीक्षण भएको छ भने हाल क्वारेन्टाइनमा ९ हजार ४ सय ७० जना रहेका छन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड ९० लाख ५ हजार भन्दा बढि संक्रमित भइ १ करोड २१ लाख ९२ हजार भन्दा बढिले स्वास्थ्यलाभ गरिसकेका छन् भने ७ लाख ११ हजार भन्दा बढिको ज्यान गइसकेको छ ।
