कुदिन लाग्दा कुख्यात बनी कोरोना कुर्लियो ।
कसले किन कसरी कहाँ कहेको कुरा यो ।१।
कुजात कति कुकर्म गर्छ भनेर खोजमा ।
कुनामा कतै कुक्रुक्क परी बसेको सोचमा ।२।
कन्चटभरि अनेकथरि तर्कना तर्केका ।
कुजात अनि कुकर्म गर्ने कबाट उब्जेका ।३।
क्यान्सर कोर अत्यन्तै कष्ट बोकेर निस्केका ।
कतिको ज्यान कर्याप्प समाई चपाइदिएका ।४।
क्यान्सर पक्कै कोरको साथ करणी गरेछ ।
कुकर्मबाट जन्मेको पुत्र कोरोना परेछ ।५।
कुपुत्र हो यो कुकर्म गर्छ कुनामा लुकेर ।
कसरी क्वाप्प पारौँला भनी बस्दछ ढुकेर ।६।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
