फोनको घन्टी टिनिन्न बज्यो के आयो खबर ।
मर्नेको संख्या बढेर गयो मोटर शहर ।१।
अलिक टाढा निवास मेरो विक्सोम शहर ।
घरैमा बसी कसला काट्छु घुम्नको रहर ।२।
खबर भन्छ साथीले थप्छ नजाउ बाहिर ।
कोरोना नाम घरैमा काम सजिलो जागिर । ३।
महिना तीन भयो भ्रमण गर्न बाहिर नगाको ।
अशान्त तन तुल्बुल मन लौन नि के भाको ।४।
अशान्त हुँदा घुम्नको लागि बगैँचा पुग्दछु ।
मानिस देखे अलिक पर कुनामा लुक्दछु ।५।
दिक्दारै भयो कहाली लाग्दो कोरोना खबर ।
प्रयोग गरी छोपौँ कि टीभी प्लाष्टिक कबर।६।
रमाइलो गर्छु, घरैमा बस्छु, खबर सुन्दिन ।
कोरोना नाथे के गर्ला भनी मनमा गुन्दिन ।७।
धोएर हात लगाई मास्क बसेको दुनियाँ ।
जे पर्ला टर्ला के चिन्ता लिनु नश्वर जुनीमा ।८।
सचत बनौँ साब्धानी लिउँ पटक्कै नडरौँ ।
मार्नेछौं पक्कै कोरोना हामी डरले नमरौँ।९।
हरि शर्मा (सुबेदी)
गलकोट- बागलुङ, नेपाल
हाल: मिसिगन अमेरिका ।
