गजल
*****
चिनेको छैन हत्त न पत्त बोल्नको हतार ।
नखोली मन लगाको बस्त्र खोल्नको हतार ।१।
देखिन्न कतै गएछ कता पबित्र प्रेम त्यो
सिन्किको मोल तोकेझैँ गरी मोल्नको हतार ।२।
पवित्र प्रेम इश्वरको अंश सत्यता लुकेको
पापको गोली बिछोड ल्याई घोल्न्को हतार।३।
औँशीमा शुरु भएको प्रेम भेटेन पुर्णिमा
पिरको राप निकाली प्रेम पोल्नको हतार ।४।
काँचको चुरा सरी भो प्रेम पिटिक्क भाँचिने
सुन्दर शान्त संसार त्यो बिथोल्नको हतार ।५।
हरि शर्मा (सुवेदी)
गलकोट- नुवाकोट, बाग्लुङ, नेपाल
हाल: मिसिगन अमेरिका
