मुक्तक
१
तिम्रो मृग नयन, ओठ गुलाबी रंग राम्रो ।
मयूरको कल्कि झैँ ढल्कि हिड्ने ढंग राम्रो ।
कति बयान गर्नु र प्रिया तिम्रो अधर हेरेर
तारा जुनसँग सधैं, अनि तिमी मै संग राम्रो ।
२
मेरा लागि बाँचिदिनु अमृतै खानु के छ र ।
सबैलाई जानु नै छ बिस्तारै जानु के छ र ।
कसलाई के थाहा हुन्छ र दैवको लेखा
छोडेर कीर्ति बाहेक यहाँ मरेर लानु के छ र ।
३
लाग्थ्यो मरिसकें फेरि जिउन मन लाग्यो ।
पिर सबै भुलाउन थोरै पिउन मन लाग्यो ।
झिनो आशा पलायो चोटैचोट भए पनि
च्यातिएको मुटु फेरि सिउन मन लाग्यो ।
४
हिजो भन्दा आज किन अलि बेग्लै गन्ध छ ।
बेगले चल्ने बतास पनि आज किन मन्द छ ।
बिस्वासको खडेरी चलेर हो, कि भ्रममा परेर
सधैं खुल्ने दिलको ढोका आज किन बन्द छ ।
