गुरू पूर्णिमा – मारूनी छन्द
पूर्णिमा यो गुरुको भनेर,
नाम सम्झिँए सबैको गनेर।१।
एक हैन गुरु छ्न अनेक
ज्ञान बाँड्ने बुद्धि र बिबेक।२।
गायत्री नि सुनियो गुरुको
दीक्षा दिने अर्को चाहिँ पर्नु भो।३।
क, ख, ग, घ सिकाउने गुरु नै।
ए, बी, सी, डी पढाउने गुरु नै।४।
एक देखी एम ए तक आउँदा नि।
बी एस सी र मेडिकल थपिने।५ ।
टी.एम. पनि सिकाको गुरुले।
पौडी खेल्न सिकाको गुरुले।६।
गन्दै जाँदा गुरु त धेरै छ्न्।
औँला गन्दा सबै नै सकिन्छ्न।७।
एक-एक गरी सम्झिएँ सबैलाई।
छाड्न मन लागेन कसैलाई।८।
मेरो मात्रै गर्दिन कुरा यो।
गुरुहरु हुनुन्छ हजुरको।९ ।
जिन्दगी यो भोगाइको क्रममा।
धेरै गुरु भेटियो जीवनमा।१०।
सबै गुरु बराबर मान्दछौँ।
ज्ञान अनि आशिर्वाद माग्दछौँ।११।
आफै चेला गुरु नि बन्नेछौँ।
एकअर्कामा आदर गर्नेछौँ ।।१२।।
हरि शर्मा (सुवेदी)
गलकोट- नुवाकोट, बाग्लुङ, नेपाल
हाल: मिसिगन अमेरिका
