तितोपाटी – कुवेतमा कोरोना संक्रमणको कारण थप एक जनाको मृत्यु भएको छ । तितोपाटी डट कम लाइ ढिलो गरि प्राप्त जानकारी अनुसार कुवेतमा ट्याक्सी ब्यावसायीको रूपमा कार्यरत छबिलाल पाण्डेको कोरोनाको कारण मृत्यु भएको हो । यस अघि नै ३ जना नेपालीहरूले कोरोनाको कारण ज्यान गुमाइसकेको मध्यपुर्वको राम्रो रोजगार गन्तब्य मानिएको कुवेतमा चाैथो ब्यक्तिको पनि कोरोनाको कारण मृत्यु भएपछि सिंगो नेपाली समाज कुवेत नै अतालिएको अनुभव गरिएको छ ।
कोरोनाको कारण ज्यान गुमाएका ३४ वर्षीय पाण्डे गत मेइ २७ तारिक देखि अस्पतालमा उपचाररत थिए भने गत जुन ९ तारिक कुवेतको सेख जाबर अस्पतालमा उपचारको क्रममा निधन भएको थियो ।
यस अघि कम्पनिमा कार्यरत रही हाल ट्याक्सी ब्यावसाय गरिरहेका पाण्डेका घरमा श्रीमती र दुइ छोरा छोरी छन् भने लकडाउन भन्दा केहि महिना पहिले मात्रै उनी छुट्टी बिताएर नेपालबाट फर्केका थिए ।
मृतक पाण्डे अर्घाखाँची घर भइ विगत लामो समयदेखि कुवेतमा कार्यरत थिए भने उनी कुवेतमा रहेको सिर्जनशीलय युवा समाज कुवेत सम्वद्ध रहेर समुदायमा चिनिएका थिए ।
