“ए टू जेड”
-राम भण्डारी
अल्फाबेट ए बाट सुरु भएपनि मै हुँ भन्ने “टि” थियो ।
साह्रै बलबान भनि कहलिएको हेर्दा हेर्दै खस्कियो ।।
तेस्रो मा वर्णानुक्रम “सी” ले दोस्रो ठूलो ठाउँ लियो ।
कोभिड को ठक्करले स्तब्ध भै विश्व मै घुँडा टेकियो ।।
“भि” त हुन्छ नि अन्तिम तिर तर यहाँ तेस्रो नम्बर भैदियो ।
हतियारको बलमा विश्व तर्साउने तिर सर्दै कोभिड गइदियो ।।
अर्का उन् को त के कुरा मुस्कुराउदै गोली ठोक्दियो ।
संसार ध्वस्त पार्ने हठी स्वभावलाई कोरोनाले छेक्दियो ।।
“एम” कहाँ कम छन् र तिमी सानो हौ भन्दै हेप्दिन्छन् ।
छल्ने र मिल्ने ठाउँमा नेपाली बोल्दै जमिन चेप्दिन्छन् ।।
हाँसो ठट्टा गज्जब गर्छन् जनता सामु राम्रैसँग जिस्किए ।
यो पटक चाहिँ किन हो हाम्रा बाजे सारै सुरा निस्किए ।।
कुरा हैन यहाँ कहरमा जनताको काम गरेर देखाउ ।
निःस्वार्थ देशभक्ति देखाई ईतिहासमा नाम लेखाउ ।।
‘ए ‘देखि ‘जेड’ सबै समान हौं धर्ती हाम्रो साझा हो ।
मिलेर बसौं अनि,सम्मान दिने-लिने हाम्रो आशा हो ।।
