हरि कृष्ण न्यौपाने – घर फर्किने दिन कुरेर आममाफी मार्फत कुवेत सरकारको आश्रय स्थलमा रहेका नेपालीहरुलाई भोलि जुन-१०,बुधबार,२०२० बाट फर्काइन शुरु गरिने भएको छ। भोलि जजिरा एयरको २ वटा फ्लाइटबाट स्वदेश फर्काउने क्रम शुरु हुनेछ ।
नेपाली राजदूतावास कुवेतकी सुचना अधिकारी द्वितिय सचिब जानकी ओझाको अनुसार भोलि १० जुन बुधबार जजिरा एयरको दुईवटा फ्लाइटले आममाफी मार्फत कुवेत सरकारको आश्रय स्थलमा रहेका नेपालीहरुलाई लैजाने छ।ओझाले थपिन्र -“पहिलो प्राथमिकतामा आममाफी मार्फत फर्किने तयारीमा रहेका २,९९१ जनालाई फर्काइने छ।उनीहरु सबैको नामावली र बिबरण सम्बन्धित निकायलाई बुझाई सकिएको छ।सहजताको लागि दूतावासले अबाश्यक समन्वय गरिरहेको छ।आममाफी मार्फत फर्कनेहरुलाई निशुल्क स्वास्थ्य परिक्षण र निशुल्क उडानको ब्यबस्था कुवेत सरकारले गर्ने छ।
यसै गरि अन्य बिबिध कारणले घर फर्कनै पर्ने करिब ४००० नेपालीहरुले राजदूताबासको फर्म भरेको ओझाले बताईन।उनले थपिन”दिन-दिनै घर जान पाउँ भन्नेहरुको संख्या बढिरहेको छ।पहिलो चरणमा आममाफी मार्फतका कामदारहरुलाई फर्काइए पछि दोश्रो चरणमा अन्य कामदारहरुलाई प्राथमिकताको आधरमा फर्काइने छ।दोश्रो चरणमा फर्काइनेहरु कुन उडानबाट, कति भाडामा जाने र उनिहरुको स्वास्थ्य परिक्षणको प्रकृया पनि अझै निश्चित भैसकेको छैन।”
कुवेतबाट फर्काइने शबका बारेमा ओझाले भनिन”उनीहरुको मृत्यु भएको मितिका आधारमा र मृतकको परिवारहरुको समन्वय हुनसक्ने स्थितिको आधारमा दैनिक हुने फ्लाइटमा पठाइने तयारी गरिरहेका छौ।”
