तितोपाटी – विश्वव्यापी महामारीको रूपमा फैलिरहेको कोरोना भाइरस (कोभिड-१९) संक्रमणबाट गुल्मीका ४१ वर्षीय पुरुषको बिहीवार बिहान उपचारको क्रममा मृत्यु भएको छ।। यससँगै नेपालमा कोरोना संक्रमणबाट मृत्यु हुनेको संख्या तीन पुगेको छ ।
प्रदेश नं ५ को प्रादेशिक सामाजिक विकास मन्त्रालयद्वारा प्रकाशित एक विज्ञप्तिमा उनको बिहीवार बिहान निधन भएको पुष्टि गरिएको हो। सामाजिक विकासमन्त्री सुदर्शन बरालले हस्ताक्षर गरेको वक्तव्यमा भनिएको छ: “उहाँलाई बचाउन अनेकौँ प्रयास गर्दा पनि बचाउन नसकिएकोमा निकै दु:खी छौँ।”
गुल्मी मदाने गाउँपालिका–६ का उनलाइ एकसाता अघि उच्च ज्वरो आएसँगै रुघाखोकीले सताएपछि स्थानीय क्लिनिकहरूमा उपचार सम्भव नभइ सिकिस्त भएपछि रुपन्देहीको मणिग्रामस्थित क्रिमसन अस्पतालमा भर्ना गरिआइसियूमा राखेर उपचार गरिदै आएको थियो ।
याे सँगै नेपालमा काेराेना संक्रमणबाट मृत्यु हुनेकाे संख्या ३ पुगेकाे छ । यसअघि नेपालमा कोरोनाबाट सिन्धुपाल्चोककी २९ वर्षीया सुत्केरी महिला र बाँकेका एक युवककाे ज्यान गइसकेकाे छ । नेपालमा अहिलेसम्म कोरोनाभाइरसबाट सङ्क्रमितको कुल सङ्ख्या ४४४ छ भने ४९ जनाले स्वास्थ्य लाभ गरि सकेका छन् ।
