तितोपाटी – नेपालमा कोरोना भाइरसबाट संक्रमित हुनेको संख्या २५८ पुगेको छ । शुक्रबार राष्ट्रिय जनस्वास्थ्य प्रयोगशाला काठमाडौं र भेरी अस्पताल नेपालगन्जमा गरिएको परीक्षणमा थप ९ जनामा संक्रमण पुष्टि भएसँगै संक्रमितको संख्या २५८ पुगेको हो ।
संक्रमितहरुमा मकवानपुरका ३७ वर्षीय पुरुष र बाँकेका ८ जना पुरुष रहेको स्वास्थ्य मन्त्रालयका सहप्रवक्ता डाक्टर समिरकुमार अधिकारीले जानकारी दिएका छन् ।शुक्रवार बिहान स्वास्थ्य मन्त्रालयले जारी गरेको वक्तव्यअनुसार मकवानपुरका एकजना ३६ वर्षिय पुरुषमा कोरोनाभाइरस सङ्क्रमण देखिएको छ भने बाँकी अन्य सबै १८ देखि ३६ वर्षिय पुरुषहरू बाँके जिल्लाको नैनापुरका हुन्।
उनीहरूको नमुना राष्ट्रिय जनस्वास्थ्य प्रयोगशाला काठमाण्डू र भेरी अस्पताल नेपालगञ्जमा परीक्षण गरिएको थियो।
कोरोना भाइरसको संक्रमणबाट विश्वभर अहिले सम्म ४५ लाख भन्दा बढी कोरोना सक्रमित भएका छन्, १७ लाख ७ हजार भन्दा बढीले स्वास्थ्य लाभ गरेका र ३ लाख ३ हजार भन्दा बढिको ज्यान गइसकेको छ भने नेपालमा अहिले सम्म कोरोना भाइरसको कारण ज्यान गएको छैन ।
