Monday 17th March 2025

नेपालमा थप ७ जनामा कोरोना पुष्टि, संक्रमितको संख्या १०९ पुग्यो


तितोपाटी – नेपालमा थप सातजना व्यक्तिमा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले शनिवार जनाएको छ। मन्त्रालद्वारा शनिवार बिहान जारी विज्ञप्ति अनुसार योसँगै नेपालभरि कोरोनाभाइरसबाट सङ्क्रमित व्यक्तिहरूको सङ्ख्या १०९ पुगेको छ।

कोरोना सक्रमितहरूको काठमाण्डूको टेकुस्थित जनस्वास्थ्य प्रयोगशाला र विराटनगरस्थित कोशी अस्पतालमा नमुना परीक्षण गरिँदा नयाँ सात जनामा सङ्क्रमण पुष्टि भएको मन्त्रालयले जनाएको हो ।

मन्त्रालयका अनुसार सङ्क्रमितहरू उदयपुर भुल्केका १८, ४५ र ६५ वर्षका महिलाहरू र कपिलवस्तुका १७, १८ र १८ वर्षका पुरुषहरू तथा पर्सा छपकैयाका ६२ वर्षका पुरुष छन्।

उनीहरूको अवस्था सामान्य रहेको र स्वास्थ्यकर्मीको सम्पर्कमा रहेको पनि मन्त्रालयका प्रवक्ता डा. समीरकुमार अधिकारीद्वारा जारी विज्ञप्तिमा उल्लेख गरिएको छ।

यस अघि बिहिबार राती २ जना र शुक्रबार १ जनामा कोरोना संक्रमण भएको पुष्टि भएको थियो ।


सम्बन्धित शीर्षकहरु

कमला देवकोटा, पाल्पा - कोठा बाट क्वां क्वां आवाज आएको थियो। निर्मला हैन को रोयो भन्दै ढक ढक गर्दै कराईन्।…

चिनियाँ र विदेशी खगोलविद्हरूले मिल्की वेमा अन्तरतारकीय धुलोको गुणहरूको पहिलो थ्रीडी नक्सा अनावरण गरेका छन्। यो सफलताले खगोल रसायन विज्ञान…

वासिङ्टन: ट्रम्प प्रशासनले नयाँ प्रतिबन्धको भागको रूपमा दर्जनौं देशका नागरिकहरूका लागि व्यापक यात्रा प्रतिबन्धहरू जारी गर्ने विचार गरिरहेको छ, ज्ञापनपत्रमा…

प्रतिकृयाहरू
...